- Fonte: Parque Principado /
¡Una de les nueses tradiciones favorites! Un añu más, y yá van 10, celebramos la fiesta local “Güevos Pintos” con una nueva edición del nuesu concursu escolar. Una iniciativa xenial na que 12 colexos de Siero y contorna participen decorando un güevu xigante.
La decoración de cada güevu ta inspirada n’Orixe, el proyectu de sostenibilidá de Parque Principáu basáu nos 17 Oxetivos de Desenvolvimientu Sostenible (ODS) de Naciones Xuníes. Cada cole recibió un ODS distintu para tematizar el so güevu, apurriéndo-y a l’actividá un extra de valor educativu.
Visita la Expo Xigante y vota por Güevu favoritu. Hasta’l 2 d’abril, visita la esposición nel Paséu de la Seronda y esfruta d’estes verdaderes obres d’arte qu’ellaboraron los alumnos de primaria de 12 coles de Siero y contorna. Una vegada vistes toes, vota pola to Güevu favoritu al traviés de la App de Parque Principáu.
C.P. Santa Bárbara. Títulu: “Si compartimos toos tenemos”. ODS 2. #Fame Cero.
C.P. Carbayín Baxu. Títulu: “¡Hasta los Güevos!… son sanos”. ODS 3. Salú y Bienestar.
C.P. El Cotayo. Títulu: “#ElCotayupresta”. ODS 4. Educación calidable.
C. R. A de Viella. Títulu: “Igualdá”. ODS 5. Igualdá de Xéneru.
C.P. Granda. Títulu: “Pedaliando escontra la sostenibilidá “. ODS 7. Enerxía Algamadiza y Non Contaminante.
C.P. Condáu de Noreña. Títulu: “Un güevu d’oportunidaes”. ODS 10. Amenorgamientu de les Desigualdaes.
C.P. Hermanos Arregui. Títulu: “Ecogüevo: La ciudá verde”. ODS 11. Ciudaes y Comunidaes Sostenibles.
C.P. La Corredoria. Títulu: “Tierra, te quiero un Güevu”. ODS 12. Producción y Consumu Responsables.
C.P. Celestino Montoto Suárez. Títulu: “El suañu de la Tierra”.ODS 13. Acción Pol Clima.
C.P. Xentiquina. Títulu: “Hai un colexu no fondero del mar, XENTIQUINA”. ODS 14. Vida Submarina.
C.P. Los Campones. Títulu: “¡Non te cárgueslo!”.ODS 15. Vida d’Ecosistemes Terrestres.
C. P. La Fresneda. Títulu: “Justice is the key”. ODS 16. Paz, Xusticia ya Instituciones Sólides.
El Concursu Escolar de Güevos Pintos va tener 3 colexos premiaos.
Ganadores del Xuráu. El 1º y 2º premiu van ser escoyíos al traviés de la votación d’un xuráu con representantes de Parque Principáu y de la Sociedá de Festexos de Siero y van consistir n’una tarxeta regalo de 1.000 y 500€ de Fnac respeutivamente, para la compra de material escolar.
Ganador Votación Popular. El 3º premiu va ser escoyíu por aciu la votación de los usuarios na App del Club Parque Principáu na que’l colexu más votáu va recibir una tarxeta de 300€ en Fnac para material escolar.
El restu de coles participantes van recibir tamién una tarxeta regalo de 100€ cada unu de Fnac para la compra de material escolar. El nome de los trés ganadores va dase a conocer na entrega de premios que va tener llugar el miércoles 3 d’abril al pie de la esposición, nel Paséu de la Seronda.
Proxecto Orixe
Orixe, de Parque Principáu, ye un proyectu de sostenibilidá pioneru nel sector que consta de más de 50 acciones añales dirixíes a promover un cambéu sostenible, social, medioambiental y económicu n’Asturies, marcáu polos 17 Oxetivos de Desenvolvimientu Sostenible (ODS) de la ONU.
