L’ornitólogu asturianu Daniel López afaya una nueva especie d’ave n’España

• Enllaz noticia La Voz
• Daniel en Facebook

Un afayu que va obligar a camudar toles guíes d’estos animales nel nuesu país, cuidao que ye «bien probable» qu’haya una pequena población nun monte de coníferes de los Pirineos.

Tratase de la especie d’ave rapazu más pequena d’Europa, que se caracteriza por un color marrón buxu motudu de pequeñes pintes blanques. Este habita en montes de coníferes o mistos y aliméntase d’otres aves y topinos. Amás magar que, polo xeneral, ye un animal sedentariu y nun tien una gran visión na escuridá, tien un vuelu rápidu y bien onduláu.

El reputáu ornitólogu asturianu Daniel López Velasco afayó una nueva especie d’ave n’España. Tratase del miagón chicu» o’l miagón alpín», un tipu de «búho bien pequeñín» qu’habita nos Alpes o n’otres zones d’Europa como Finlandia, Noruega y Suecia. Un afayu que va obligar a camudar toles guíes d’estos animales nel nuesu país, cuidao que ye «bien probable» qu’haya una pequena población nun monte de coníferes de los Pirineos. Asina lo aseguró l’espertu nel estrenu de Paxarinos Tv, el programa pioneru dedicáu al mundu de les aves que s’emite al traviés de La Voz d’Asturies.

Amás, ye la primer vegada qu’asocede un acontecimientu d’esti tipu dende l’añu 1987. Entós daquella, afayose na zona de los Pirineos el miagón boreal. Otru sucesu similar tuvo llugar en Canaries, onde se columbró otra especie, el rabijunco etéreo. «Atopóse una colonia d’ellos fai 8 o 10 años, pero primeramente yá hubiera intentos esporádicos de cría», asegura López, quien se mueve de continuu pol planeta para reparar les especies d’aves más singulares.

Nesti sentíu, l’ornitólogu sorraya que tolos años apaez un ave perdida africana, americana o siberiana nel nuesu país, sicasí esti afayu ye singular. «Qu’apaeza una que nunca se vio n’España, como esta, n’una zona prospectada onde haya dellos exemplares que posiblemente tean criando, foi un descubrimientu increíble, y totalmente inesperáu, y entá me costa creelo», destaca.

El nuesu primer programa tuvo llenu de sorpreses. Gracies a l’arrogancia de Daniel López Velasco pudimos anunciar el descubrimientu d’una nueva especie, probablemente nidificante, nel nuesu país: el Mochuelo  Chicu… Y eso nun asocede tolos díes!! Tamos felices!!
Queremos estimar tamién al propiu Dani y a RTPA les referencies tan cariñoses al nuesu espaciu nesta entrevista… ¡que nun tenéis de perder vos!