Publicado en Nadal, Xuegos

Los xuguetes nun tienen xéneru y son solo para faer los suaños realidá.

La emoción d’un neñu nel día de Reis que demuestra que los regalos nun tienen xénero. Videu

Millones de persones aplaudieron a la madre pola llección que dio de regalos ensin xéneru. Nel vídeu compartíu al traviés de TikTok apaez un neñu abriendo un enorme xuguete, cuando termina de retirar tol envoltoriu da cuenta de que ye una cocinita. La emoción del neñu ye enternecedora, empieza a glayar de la ilusión y nun pierde nin un segundu en ponese manes a la obra a xugar de momentu.

Cola llegada de la Navidá, Pá Noel y los Reis Magos vienen cargaos de regalos para los neños que fueron bonos mientres tol añu y, por eso mesmu, cuando s’averen estes feches, vuelve ponese enriba de la mesa un alderique que tien a les redes sociales estremaes: ¿Cómo saber qué regala-y a un neñu ensin prexuicios de xéneru?

Ente que munchos apuesten por regalar a los más pequenos los xuguetes en función a los gustos reales del menor y non de los roles clásicos que la sociedá asígna-yos por xéneru, otros prefieren siguir regalando los xuguetes qu’ellos consideren que tendríen de gusta-y a los sos fíos.

Agora, un neñu dio una llección a millones de persones alredor del mundu cola so tienra reacción al recibir un regalu bien especial nel día de Reyes, demostrando que los xuguetes nun tienen xéneru y son solo para faer los suaños d’un neñu realidá.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *