- Fonte noticia: Ver Asturies
- Rodiles: Wiki / Turismu / Maps /
Si hai una zona qu’ensin dulda estos díes gústanos visitar ye la sablera. Ye la dómina perfecta para esfrutar (cuando’l tiempu dexar) de tomar el sol baltaos nel sable, un relaxante bañu, o xugar saltando les refrescantes foles colos nuesos amigos, xusto antes de tomanos un xeláu. Y si hai una sablera que munchos asturianos y turistes de fora del país y delles partes del mundu visiten esa ye la de Rodiles.
Y ye qu’esta sablera del conceyu de Villaviciosa ye, ensin dulda, una de les más populares de toa Asturies. La sablera estiendese a lo llargo d’un kilómetru de llargor y 300 metros d’anchu al oriente de la desaguada de la Ría de Villaviciosa. Nel so estremu occidental #omunica cola Sablera de Misiegu, una sablera más pequena y con agües más seles que les de Rodiles.
Esta sablera de sable finu y tostada resulta un enclave privilexáu para tou tipu de deportes marítimos: sobretou para la pesca y para el surf. Ello ye que nel mundu del surf Rodiles ye bien conocíu pela zona conocida como «la barra», na que se produz una fola considerada ente los cuatro meyores foles d’Europa.
Amás Rodiles cuenta con unes vistas que dexen esteláu a tol que lo visita: xuna amiestu relaxante y maraviyoso de paisaxe de sablera y monte, xuntu con un mirador de páxaros, el soníu del mar, y vistir de la tamién preciosa sablera d’El Puntal dende’l so paséu marítimu de madera pel marxe de la ría faen d’ella xuna sablera arrogante, parte de la Reserva Natural Parcial de la Ría de Villaviciosa.
