El nuevu mural de Banksy apaez en Bristol para falar sobro la pandemia: un tusida que la resume tou. Ver noticia.
Con un «Aachoo!!», daba a conocer otra obra de Street Art, a lo que los sos siguidores n´Instagram contestaben con un educáu «Bless you». Una tusida n’una de les cais con más pindia de la ciudá inglesa, Vale Street, na área de Totterdown.
Vale Street ye, amás, considerada como la cai más empinada de too el país, colos sos 22 graos d’enclín. Y equí, onde los vecinos ‘arreyen’ los sos coches a les faroles cuando pel hibiernu xela l’asfaltu, Banksy, con nocturnidad y alevosía, decidió llantar la so nueva creación.
Una abuelita, col so pañuelu atáu a la cabeza, el so cayáu y el so bolsu que se queden tras, espirria tan fuerte qu’el so dentame postiza sale volando… y que dobla cola so fuerza los cimientos de les cases… Y agora entendemos el porqué de la localización: Banksy buscaba’l xuegu ópticu por que paeza que de la fuerza de la tusida les cases salen despidíes. Pa ello, xuega col enclín de la cai y con tomar la semeya perfecta, en llínea col enclín del asfaltu.
Y asina, con un toque d’humor al que nun-y falta parte de crítica, Banksy resume’l coronavirus: una pandemia que la lleva tou per delantre, que mueve los cimientos de les cases, de les cais, de les ciudaes y de les nueses vides.
