Publicado en NATURA

El texu asturianu que cumple 300 años

Para celebrar y dar a conocer el so orixe a los visitantes, los vecinos asitiaron una placa conmemorativa xuntu al emblemáticu árbol. El texu de Montovo

L’exemplar, asitiáu na localidá de Balmonte, ye de los pocos que se conoz la fecha del so plantíu y el nome de quien la promovio: foi semáu’l 20 de febreru de 1721 pol párrocu Domingo d’Alba de la Vega, como asina lo recueye’l Llibru de Casaos y Difuntos de la parroquia de San Martín de La *Iguarda, en Miranda.

Una fecha que nun foi escoyida al azar. Nesi momentu, la lluna taba en cuartu menguante, momentu aparente para’l plantíu de los texos y tamién coincidió col entamu de la cuaresma, «tiempu nel que la nuesa alma refaise». Poro, esti exemplar representa l’espíritu de los habitantes de Montovo y el venceyu que tienen cola tierra y colos sos antepasaos. Por ello, convirtióse por antonomasia nel símbolu d’esta aldega asturiana.
El texu nun ye árbol cualesquier, sinón que se trata d’un árbol bien peculiar: ye l’únicu que crez al aviesu. Amás, desenvuelve de forma enredada y desordenada, dende les sos cañes escontra’l raigañu. D’esta forma, va refaciendo y cubriendo el so tueru. Tal ye la so capacidá de renovación que ye capaz d’emitir biltos al traviés de les sos yemes durmientes, inclusive nel so tueru tan gruesu. D’esta manera, recupérase fácilmente de les cortes y fradadures que dexen ameyorar la so salú. Coles mesmes, por cuenta de que tien flores masculines y femenines ye capaz d’afaese a casi cualquier clima y altor.

Con temperatures más templaes y húmedes y suelos fértiles favorécense exemplares fema, ente que si les temperatures son más fríes o seques y el terrén ye probe suelen ser machos. Diéronse casos d’exemplares nos qu’una parte del árbol o una caña yera de sexu distinto al del restu. Nel casu del de Montovo les sos flores son femes y resulten visibles a finales del iviernu. Amás, el so frutu maurez a principios de la seronda. Sicasí, el texu presenta una gran dificultá para reproducise por mediu de les sos granes por eso nun hai montes de texos.

La edá del texu determinase pol diámetru del so tueru

Esta especie ye una de les más llonxeves d’Europa y, inclusive, de la Tierra. Sicasí, a diferencia d’otros árboles, la corte del so tueru nun nos indica la so edá. Col pasu de los años va perdiendo los sos aníos y alredor del so vieyu tueru, polo xeneral, crecen munchos tueros dende les sos cañes. Por ello, la única referencia pa determinar aprosimao la so edá ye’l diámetru qu’algamó’l so tueru. Nesti sentíu, el texu de Montovo colos sos 300 años d’antigüedá tien un perímetru de 4 metros. Sicasí, el Cazorla en Jaen que tien unos 2.000 años cunta con un perímetru de 9,15 metros y el de Bermiego d’unos 1.000 años, con 7,70 metros.

Tamién les sos fueyes son igualmente de perdurables. Estes viven unos ocho años, frente a los seis de les del pinu o’l lloréu. Coles mesmes, el texu tamién destaca pola so madera. Esta ye la más dura, la que meyor se caltien albentestate y la más resistente. Por eso, ye bien apreciada pa tallar pieces y mangos d’instrumentos, debíu tamién a la so elasticidá y esi color acoloratáu que tanto la caracteriza. Na antigüedá, foi bien utilizada pa fabricar arcos y ballestes.

Toles partes del árbol son venenoses y pueden provocar la muerte

La única desventaxa que presenta esti árbol ye’l so efectu tóxicu. El texu na so corteza, fueyes y granes contien una especie de sustanza venenoso. Esto fai que, a pesar de ser el símbolu de la fertilidá, sía consideráu l’árbol de la escuridá y de la clarixa. Los griegos y llatinos llegaron a denominalo como l’Árbol de la Muerte». Motivu porque’l que, n’Asturies, fora de los llugares sagraos nun yera bienveníu. Solo atópense en zones predreses y en valles pocu accesibles. En Montovo, por casu, esisten dellos exemplares tremaos por tola parroquia y onde más se dexen ver ye nel valle de Tejedo.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *