Publicado en NATURA

La rotura del campu magnético de la Tierra pudo causar la estinción de los neandertales

Imaxe de la Tierra vista dende l’espaciu Shutterstock

La hestoria de la Tierra sufrió un puntu d’inflexón fai 42.000 años, cuando una inversión de los polos magnéticos produció una rotura temporal de campu magnético, lo que provocó importantes cambeos ambientales globales y estinciones masives, según un estudiu que publica ‘Science’.

La investigación de la Universidá australiana de Nueva Gales del Sur (NSSW) y el Muséu d’Australia Meridional señala qu’aquel eventu foi provocáu pola inversión de los polos magnéticos de la Tierra combinada col cambéu de los vientos solares, lo que produció nubes eléctriques, aurores xeneralizaes y radiación cósmico.

A los primeros seres humanos que tuvieron que vivir aquel momentu debió-yos de paecer el fin de los díes», consideró unu de los autores, Alan Cooper del Muséu d’Australia Meridional. Los investigadores, que bautizaron esti periodu como Eventu Adams, suxuren que podría esplicar misterios evolutivos, como la estinción de los neandertales o la repentina apaición xeneralizada d’arte figurativo en cueves de too el mundu, al tener que buscar mas abelugu.

Anque los científicos yá sabíen que los polos magnéticos camudaron temporalmente fai unos 41-42.000 años (lo que se conoz como Eventu de Laschamps), nun conocíen esactamente si afectó a la vida na Tierra y cómo lo fixo. Per primer vegada, pudieron datar «con precisión el momentu y los impactos ambientales del últimu cambéu de polos magnéticos».

Los antiguos árboles kauri de Nueva Zelanda, que se caltuvieron en sedimentos mientres más de 40.000 años dieron les pistes al equipu, pos analizando los sos aníos, pudieron midir y datar el picu de los niveles de radiocarbono atmosféricu causáu pol colapsu del campu magnético y crearon una escala de tiempu detallada de cómo camudó l’atmósfera. «Los árboleskauri son como la Piedra Rosetta, que nos ayuden a rellacionar los rexistros del cambéu medioambiental en cueves, núcleos de xelu y turberas de too el mundu», esplicó’l profesor Alan Cooper, del Muséu d’Australia Meridional.

Los investigadores compararon esa escala de tiempu con rexistros de llugares de too el Pacíficu y ellaboraron modelos climáticos globales para afayar que la crecedera de les capes de xelu y los glaciares d’América del Norte y los grandes cambeos nes principales petrines de vientu y sistemes de nubes tropicales podíen remontase al Eventu Adams. Una de les sos primeres pistes foi que la megafauna d’Australia continental y Tasmania sufrió una estinción simultánea fai 42.000 años.

El polu norte magnéticu -esto ye, la dirección a la qu’apunta l’aguya d’una brúxula- nun tien unu allugamientu fixu. Suel bazcuyar barganal del Polu Norte (el puntu más septentrional de la exa de la Tierra) a lo llargo del tiempu por cuenta de los movimientos dinámicos dientro del núcleu de la Tierra, al igual que’l polu sur magnéticu. Dacuando, por razones que nun tán clares, los movimientos de los polos magnéticos pueden ser más drásticos. Fai unos 41.000-42.000 años camudaron dafechu de llugar.


Un nuevu estudiu realizáu por científicos de la Universidá de Nueva Gales del Sur n’Australia reveló que la Tierra sufrió una rotura del so campu magnético causada pola inversión temporal de los polos magnéticos fai 42.000 años. La rotura provocó —ente otres cuesas— nubes solares y drásticos cambeos nel medioambiente qu’acabaron colos ancestros neandertales.

Por María Alejandra Requena, CNN 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *