Publicado en Alimentos

La IGP Miel d’Asturies yá ye una realidá.

Güei publicase la concesión d’una protección nacional transitoria que dexa utilizar la indicación calidable nel etiquetáu del miel en tantu la Comisión Europea rexistra definitivamente la marca. La IGP Miel d’Asturies yá ye una realidá.

La Indicación Xeográfica Protexía (IGP) Miel d’Asturies yá ye una realidá. Güei publicase nel Boletín Oficial del Principáu d’Asturies (BOPA) la concesión de la protección nacional transitoria a la Indicación Xeográfica Protexida “Miel d’Asturies”. Esta protección dexa utilizar la indicación calidable nel etiquetáu del miel comercializáu sol cumplimientu del so pliegu de condiciones, aplicándose a nivel nacional hasta que la Comisión Europea rexistre definitivamente la marca.

L’Asociación para la promoción y xestión de la IGP Miel d’Asturies foi la impulsora d’esta solicitú y anguaño ta en fase de constitución el Conseyu Regulador que va xestionar la IGP. El siguiente pasu va ser el rexistru de los operadores que van utilizar esta marca y que, vegada llograda esta certificación, van poder empezar a utilizar l’indicador nel so etiquetáu.


 

 

El Miel d’Asturies vien de llograr la protección transitoria a nivel estatal y, anque ta pendiente de completar la certificación n’Europa, yá ye posible usar la marca  IXP pa etiquetar los productos

El miel asturiano, producío a nivel profesional principalmente nel Suroccidente asturianu, axunta unes característiques estremaes a otros mieles debíos a les carauterístiques xeográfiques, climátiques y de flora del país. Consiguir la IXP, pendiente entá de ser certificada a nivel européu, va garantizar que’l miel con esa contraetiqueta ye producio, estrayio y envasao n’Asturies, axuntando toles condiciones sanitaries y de trazabilidá desixíes poles normes sanitaries, apurriéndo-y un valor estra y asegurando la so alta calidá.

La puesta en marcha d’un Conseyu Regulador de la IXP ye’l siguiente pasu a dar y va tar llideráu pola Asociación pa la Promoción y Xestión de la Indicación Xeográfica Protexía (IXP) Miel d’Asturies. Ésti va ser l’encargáu d’ellaborar el rexistru detalláu de el productores y envasadores y de crear los organismos de control que respuendan pol proyeutu.

A falta d’una redaición concreta de los requisitos, los productores de miel asturiano que podríen beneficiase d’esta IXP ronden los 100, con una producción averada valorao n’unes 200 tonelaes de miel, que podría medrar hasta los 400 los próximos años. La intención ye que la collecha del 2022 llegue al mercáu certificá’l caberu trimestre del añu, pero tarrezse que los plazos llegales enzanquen el procesu.

L’apicultura ye un sector n’alza en Asturies, anque entá minoritariu, con una media d’edá inferior a la mayoría de les actividaes agrícoles y ganaeres.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *