Publicado en Día de...

Día Européu de la Música

/

Celébrase’l 21 de xunu de cada añu. Tien como oxetivu principal que los profesionales de la música salgan a les cais a compartir la so música col públicu y de esta manera da-yos la oportunidá d’esfrutar del so arte d’una manera gratuita, ensin importar l’estilu, les xerarquíes nin los oríxenes.


El precursor d’esta idea foi’l músicu norteamericanu Joel Cohen nel añu 1976, quien propunxo que los grupos musicales tocaren mientres los dos solsticios que se celebren cada añu, el primeru, el 21 de xunu y l’otru, el 21 d’avientu, lo cual convirtióse nun fechu a partir d’ese mesmu añu, en *oulouse, Francia.

Pasaos unos años, la música adquirió un matiz más predominante gracies Maurice Fleuret, destacáu director musical a principios de los años ochenta y quien trabayó de manera para da-y un rol relevante a los que se dediquen al arte de componer, pero dexando de llau’l tipu de xéneru, xerarquíes y los oríxenes, para llograr una verdadera revolución musical, onde toos tuvieren cabida.

El Día Européu de la Música faise oficial a partir del añu 1982. Foi en xunu d’ese mesmu añu, onde per primer vegada, un grupu de músicos tomaron les cais para festexar esta fecha, que a partir d’esi momentu sería de baldre, con mires d’entretener al públicu y onde nun esistiera distinción no referente a los xéneros musicales y que-y abriera les puertes a les nueves manifestaciones como pol exemplu la música urbana, el rap o la música techno, ente otres.

La música siempres va representar un motivu de celebración y ente los sos principales oxetivos ta:

  • Un mayor intercambiu cultural ente los pueblos del mundu con onde se pongan de manifiestu distintos estilos y xéneros musicales.
  • Llograr algamar una mayor diversidá musical y crear espacios por que los profesionales de la música puedan amosar el so trabayu y compartilo col públicu que garrasti de manera masiva a esfrutar de los sos conciertos.
  • Ver la música como xuna ferramienta d’entretenimientu qu’arriquez la vida y faela más plena, al traviés d’un arte lleno de maxa, guapura…

Beneficios de la música pa la vida

La música tresformóse nun verdaderu bálsamu pa la vida. Sábese, d’alcuerdu a innumberables estudios, que son munches les bondaes y ventayes que tien la música pa tolos seres humanos y que si s’empecipia nes primeres etapes de la formación de los neños, puede obrar verdaderos milagros.

Equí dexámoste un llistáu de dalgunos de los beneficios que la música puede apurrir a la to vida, ente los cualos destaquen:

  • La música ye un preséu pervalible pa desenvolver la intelixencia, ameyora la memoria y la concentración.
  • Ayuda a trepar con ciertes enfermedaes, problemes d´estrés y depresión.
    Sábese que la música fai que les persones siéntanse más felices.
  • Ye xuna ferramienta pervalible pa trabayar los valores como la tolerancia, el respetu, la solidaridá, nos neños.

Col pasu de los años, vieno ganando más popularidá y siguidores. Esta iniciativa qu’empezó en Francia fai xunas cuantes décades tras, dexó promover l’intercambiu musical y onde s’entemecen soníos, ritmos, lletres y arte.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *