Publicado en Llibros Adultos, Sin categoría

Marta Pedrayes espubliza «Baxo’l pumar»

 

«Prestábame contar la historia de varies xeneraciones alrodiu un llagar»

Marta Pedrayes. Escritora La xixonesa ta acabante publicar ‘Baxo’l pumar’, una novela ambientada nel mundu sidreru de la Villaviciosa rural del XIX. Baxo’l pumar», la hestoria de Colás, un home del sieglu XIX, la so peculiar nacencia y la so obsesión por faer sidra propio. 

«Ehí ta, frente a min, esperarando’l momentu de floriar. Ye iviernu y amuésase desnudu, pero nunos meses va vistise como una novia, les sos cañes van enllenase de flores blanques y los páxaros van posar nelles contentos, esbillando al aire la so tonada».

Asina empieza la novela ‘Baxo’l pumar’ de la escritora Marga Pedrayes (Xixón, 1970). Ta escrita n’asturianu y ye la segunda obra de l’autora xixonesa.

La hestoria  nació yá va unos años cola idea de retratar la evolución d’un pequeñu llagar familiar a lo llargo d’un sieglu y mediu. El títulu inicial del llibru diba ser esi precisamente: «El llagar», pero les narraciones tienen vida propia y esta convirtióse na hestoria del so primer protagonista,Coles y la so obsesión por una pumarada. Asina, el proyectu inicial, que taba escritu en castellán, pasó a ser un relatu n’asturianu que cubría namá la segunda metá del sieglu XIX.

Presenté la obra nel añu 2016 al premiu de novela «Xosefa Xovellanos» por un impulsu y, pa la mio sorpresa, quedó ente les 7 escoyíes de les que depués salió’l ganador, Xulio Arbesú.

Los siguientes años la edición del llibru foi retardada por diverses causes ayenes a la mio voluntá. Pero finalmente la hestoria va ver la lluz col mio tesón y la vuesa ayuda.

Participé como mecenes en dellos proyectos musicales y lliterarios asturianos que me resultaron satisfactorios polo que decidí llevar a cabu’l mio propiu proyectu d’esta forma, un retu qu’arrinca con ganes y muncha ilusión.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *