Publicado en Arte, Calendariu, Sin categoría

Calendariu de la güerta n´Asturies

Interesante iniciativa d’una rapaza (Eliza Southwood)
que tuvo’l procuru de poner tamién los meses na nuesa llingua.

Madre de dos fíos, arquitecta y artista: la británica Eliza Southwood adora afigurar sobro’l llenzu la ferramienta más elegante que, na so opinión, puede dibuxar.

Eliza Southwood atiende’l teléfonu y, al responder, regálanos una primer sorpresa… ¡fala con un marcáu acentu asturianu! Asina ye: anque nacida en Gran Bretaña, Southwood se mudu a los nueve años a España, onde pasó casi tola so mocedá. “Cuando se divorció”, esplica, “la mio madre vieno colos sos fíos a Asturies de mano una nueva vida. Apuntónos a un colexu rural y nun nos quedó otru remediu qu’aprender español en tiempu récord”. Asina, ente señardosa y risondera, Southwood recuerda esos años, xuna infancia que s’enllargó hasta que, a los 18, decidió dise a Italia “a curiar caballos. Dempués, al añu, volví camudame a Glasgow, Escocia, pa estudiar la carrera”.

Ilustraciones, serigrafíes, grabaos… Una etapa de formación na que llueu, ente los sos dibuxos, empezaron a apaecer les bicicletes. “Siempres me gustaron, dende bien pequena”, asegura. “Col mio primer sueldu, cuando inda vivía en Xixón, merqué xuna Specialized de monte, qu’inda alcordanza con un enorme ciñu. Y dempués, cuando yá taba casada, el mio home engabitóme a ver les grandes carreres ciclistes pola tele. Y foi ende, frente a la pantalla, cuando entendí que nun ganaba’l que más corría, sinón el que meyor trabayaba n’equipu. Esa pasión, esi espíritu de collaboración, multiplicó les mios ganes de siguir dibuxando bicicletes”.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *