Publicado en Certame, NATURA

El carbayón de Cornellana, sestu «Arbol Européu del añu»

El carbayón de Cornellana queda sestu nel certame de Arbol Européu del añu 

Nun hubo suerte pero va haber más ocasiones. El carbayón de Cornellana quedó en sestu llugar nel concursu d’Árbol Européu del Añu. L’exemplar, de barganal de 500 años d’antigüedá y venceyáu al monesteriu, recibió 1.371 votos, un 4,20% d’un total de 11 candidatures de toa España. L’árbol vencedor foi para la carrasca milenaria de Lecina (Huesca), que llogró 9.930 votos. El voceru del colectivu de sofitu a esti árbole, David Valiella, pidió para’l próximu añu entamase meyor de cara a les votaciones y crecer conu colectivu de sofitu. Amás pidió que’l Conceyu tenga más en cuenta a esti exemplar y lo protexa debidamente con un caltenimientu fayadizu.

El concursu del Árbol Européu del Añu creóse nel añu 2011 como continuación del popular concursu popular Árbol del Añu que na República Checa mientres enforma tiempu entamó la Fundación Alianza (Nadace Partnerství).

L’oxetivu d’Árbol Européu del Añu ye destacar los interesantes árboles vieyos como un importante patrimoniu natural y cultural que se deben apreciar y protexer. Nel Árbol Européu del Añu, a diferencia d’otros concursos, nun ye importante la guapura, el tamañu o la edá sinón la hestoria y la conexón coles persones. Búsquense árboles que se convirtieron n’una parte integrante de la comunidá nel so sentíu más ampliu.

Autor:

Maestra de Llingua Asturiana Colexu Carmen Ruiz-Tilve - Uviéu