El Día Universal del Neñu, que se celebra tolos años el 20 de payares, ye un día dedicáu a tolos neños y neñes del mundu. Nesti día conmemoren los aniversarios de l’adopción de la Declaración Universal de los Derechos del Neñu (1959) y l’aprobación de la Convención de los Derechos del Neñu (1989).
Esta Convención, establez una serie de derechos para los neños y les neñes, incluyíos los relativos a la vida, la salú y l’educación, el derechu a xugar, a la vida familiar, a la protección frente a la violencia y la discriminación y a que s’escuchen les sos opiniones.
Ye un día de celebración poles meyores consiguíos, pero sobremanera ye un día para llamar l’atención sobro la situación de los neños más desfavorecios, dar a conocer los derechos de la infancia y concenciar a les persones de la importancia de trabayar día ente día pol so bienestar y desenvolvimientu.
UNICEF trabaya tol añu pa consiguir cambeos reales na vida de los neños y les neñes, y el Día Universal del Neñu ye un momentu clave pa sumanos a esti llamamientu mundial a favor de la infancia y de los neños más vulnerables.