Publicado en Clowntigo, HUCA

Clowntigo nel HUCA

Menuda mañana nel autocovid pediátricu del HUCA con visita de La Nueva España. Güei tuvieron na rueda de reconocencia Anxelín, Fli, Albertito y Sacarina y colóse daquién más. «Tenéis que venir tranquilos, colos güeyos abiertos de casa, baxase’l mázcaru y abrir perbién la boca». Anxelín, Fli, Albertito y Sacarina espliquen a los neños qu’alleguen al autocovid pediátricu del HUCA cómo se fai una PCR.

El 13 de mayu ye´l Día de l´Infancia Hospitalizá

Semeya: Ana Hevia

Esti proyectu consta de dos partes: per un sitiu, a los neños amuésase-yos un vídeu grabáu nel HUCA por una pareya de payasos nel que realicen l’itinerariu que se fai al ingresar, amosando los espacios y el personal que pueden atopase. Por otru, una pareya de payasos realiza una actuación na qu’utilicen material sanitario, d’esta manera consiguen desdramatizar la estancia hospitalaria. Cola llegada del coronavirus los payasos de Clowntigo tuvieron que quedase en casa, pero eso nun-yos punxo frenu. Al traviés de redes sociales, videollamadas y vídeos les rises sonaron nes habitaciones de los neños ingresaos.

Clowntigo realiza collaboraciones con distintes entidaes y oenegés, realizando actuaciones (Medicusmundi, Asociación Galbán), animando carreres (contra’l cáncer, carrerahuca, fundación miaoquehago) y sofitando económicamente o materialmente dellos proyectos con otres asociaciones (Acircándonos, Payasos Ensin Fronteres).

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *