¡Signamos polos derechos humanos!
Esti día celébrase’l 23 de setiembre y ye una oportunidá para sofitar y protexer la identidá llingüística y la diversidá cultural de toles persones sordes y otros usuarios de la llingua de signos. Foi establecíu pola Asamblea Xeneral de la ONU en 2017.
Según la Federación Mundial de Sordos, esisten aprosimao 72 millones de persones sordes en tol mundu. Más del 80 per cientu vive en países en desenvolvimientu y como colectivu, utilicen más de 200 distintes llingües de signos.
La Convención sobro los derechos de les persones con discapacidá reconoz y promueve l’usu de les llingües de signos. Establez que tienen el mesmu estatus que les llingües falaes y afala a los estaos a que faciliten l’aprendizaxe de la llingua de señes y promuevan la identidá llingüística de la comunidá de les persones sordes.
El lema escoyíu pa 2021 ye ¡Signamos polos derechos humanos! y dende la Federación Mundial de Sordos proponen xuna selmana d’actividaes y faen un llamamientu por que toos aprendamos llingua de signos.Videu Vimeo /
La Selmana Internacional de los Sordos celebrose por primer vegada en septiembre de 1958 y dende entós convirtióse nun movimientu global que promueve y crea conciencia sobro les cuestiones que les persones sordes enfrenten na so vida cotidiana.
