Publicado en Sin categoría, Xornaes

Xornada «Xuntanza Trasatlántica» y «Emigranes invisibles»

El próximu sábadu 25 de setiembre nel Muséu del Pueblu d’Asturies vamos celebrar la Xornada Festiva Xuntanza Trasatlántica: arquivos domésticos y «piquiniqui» 2.0  que’l so programa axuntámosvos. Participa nes actividaes culturales ya infantiles d’esta xornada entamada por cuenta de la llegada de la esposición Emigrantes invisibles a Xixón la próxima seronda.

“EMIGRANTES INVISIBLES. Españoles en EE. UU. (1868-1945)” ye la primer esposición dedicada a la emigración española a Estaos Xuníos mientres el postreru terciu del sieglu XIX y les primeres décades del XX, una fráxil y disgregá hestoria colectiva apenes conocida hasta la fecha.

Acompáñanos nesti fascinante viaxe vital y emocional narráu al traviés de les más de 300 imaxes, oxetos y material audiovisual escoyíos para formar parte de l’amuesa, procedentes d’álbumes familiares y caxes d’alcordances atesoraes polos herederos d’esti legáu: los descendientes de los protagonistes d’esta diáspora.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *