El 1 de marzu de 1712 abríase, per primer vegada al públicu, la Biblioteca Nacional d’España. Felicitamosla por toos estos años tan bien llevaos, poles xoyes qu’alluga y les fantástiques actividaes que se realicen nella.
La Biblioteca Nacional d’España (BNE) ye un organismu autónomu encargáu del depósitu del patrimoniu bibliográficu y documental d’España. Dedicada a axuntar, catalogar y caltener fondos bibliográficos, custodia alredor de trenta millones de publicaciones producíes en territoriu nacional dende empiezos del sieglu XVIII: llibros, revistes, mapes, grabaos, dibuxos, partitures y folletos.
La Biblioteca Nacional espubliza esti patrimoniu bibliográficu al traviés del so catálogu y de la ellaboración de la Bibliografía Española y desenvuelve servicios al públicu que van dende les sales de consulta y los servicios a distancia al traviés la so páxina web, a los servicios d’información bibliográfica especializada y el préstamu interbibliotecario.