La guapura d’Asturies ye innegable, pero non tol mundu lo conoce. Por eso, esti domingu, tou aquel que nun conoza un sitiu tan emblemáticu como los Llagos de Cuadonga va poder esfrutar d’ellos al traviés del deporte. En concretu, del ciclismu, pos la Vuelta a España femenina va apostar la so última etapa ente les localidaes de La Pola Siero y los Llagos de Cuadonga.
La Vuelta Femenina 2023 va ser la primer edición de La Vuelta Femenina, una carrera ciclista por etapes que s’apuesta n’España. La carrera ta programada del 1 al 7 de mayu de 2023, como parte del UCI Women’s World Tour.
Ye precisamente, nesti 2023, cuando la mítica ascensión d’Asturies celebra’l 40 aniversariu de la so primer inclusión na ronda española, cuando en 1983 Marino Lejarreta alzó los brazos na meta. Y nun hai meyor momentu que nel formatu femenín de la prueba.
Esta ye la etapa, que va percorrer les localidaes de Nava y L’Infiestu en saliendo de La Pola Siero. Darréu, van xubir Colláu Moandi y van llegar a Cangues d’Onís, antes d’encarar la infernal xubida onde solu dos asturianos consiguieron ganar: Carlos Barredo y Samuel Sánchez.
Esta ye, ensin dulda, xuna manera maraviyosa de conocer esta zona d’Asturies d’una manera prestosa… ¡ya inclusive saludable! Siempres puedes allegar cola to bicicleta y tratar de superar los más de 12 kilómetros de dures ramples. ¿Anímeste?
