- Fonte: La Voz de Asturias /
- Balenciaga /VER/
La marca de moda llanza al mercáu la so propia versión del calzáu tradicional asturianu.
Balenciaga llanza’l zapatu tradicional asturianu na so versión de luxu. Les madreñes son agora, gracies a Balenciaga, un artículu esclusivu n’incluyendo un nuevu diseñu que recuerda de xuru a esti tradicional zapatu na so nueva colección de branu 2023. Los nuevos productos anunciaos na páxina web de la marca de luxu cunten con un preciu que llega a superar inclusive los 6.000 euros.
Los nuevos zapatos MuleTechnoclog en negru y en cristal diseñaos por Demna Gvasalia, director creativu de la marca dende 2016, son les madreñes más n’enclín y formen parte de la nueva colección de la marca. Nesta versión, les madreñes pasaron de ser de madera a ser de cauchu recubiertes d’un acabáu brillosu o, inclusive, de cristal. La marca fundada pol valencianu Cristóbal Balenciaga dio un xiru de 180 graos a esti calzáu y llanzase al mercáu, en casu de les Mule Technoclog Negres por valor de 895 euros y nel de les Mule Technoclog Cristal por 6.900 euros.
Realizaes a partir d’una única pieza de madera, les madreñes yeren y siguen siendo’l calzáu más fayadizo para andar pelos caminos. La so utilidá principal ye evitar que’l calzáu s’enllenase de folla nos caminos ensin asfaltar. A día de güei, inda hai quien lo utilicen; tantu ye asina que Balenciaga apostó por sacar la so propia versión. El nuevu modelu Mule Technoclog dexa de llau la tradicional madera y apueste por un zuecu compuestu por un 50% TPU, un 30% de poliuretano y un 20% de cristal.
Les redes sociales nun se quedaron indiferentes énte esti nuevu llanzamientu. Al traviés de Twitter, Miguel (@migueeel14) aseguraba que «Asturies va sieglos per delantre del mundu, acaben d’afayar les madreñes». Ya inclusive hubo quien s’allegró, como Sira (@SiraFG), que comentaba al traviés de la mesma rede social que «yera’l momentu de que Balenciaga ficiese madreñes la verdá, tardó enforma».
Nun ye la primer vegada que ta marca de luxu española esperimenta colos zuecos. En 2021, Balenciaga tresformó los míticos Crocs, un zapatu de goma utilizáu principalmente pel branu pa dir a la sablera, nun tacón stiletto dignu d’una gala. Tamién na so colección de 2022, Balenciaga llanzó xunas deportives que se vendíen yá foliaes y estrozaes por un valor cercanu a 2.000 euros, que xeneraron gran movición nes redes sociales.
