Publicado en Política Llingüística, Sin categoría

L’editor y primer director de «Les Noticies» fexo donación d’una colección del periódicu

El director xeneral de Política Llingüística, Antón García, reunióse esta mañana col empresariu Inaciu Iglesias pola mor de los 25 años de l’aparición del primer númberu del selmanariu n’asturianu «Les Noticies» (1996-2012). Semeya
L’editor y primer director de «Les Noticies» fexo donación d’una colección del periódicu a la Conseyería de Cultura, Política Llingüística y Turismu.
Na reunión alcordaron proceder a la dixitalización del selmanariu pa que pueda consultase en llinia, asina como a formalizar el depósitu del archivu históricu del periódicu nel Principáu.

Los 770 númberos de ‘Les Noticies’ van dixitalizase pa la so consulta

Antón García y Inaciu Iglesias entrega númberos de 'Les Noticies'

Cúmplense 25 años de la presentación na Feria Internacional de Muestres d’Asturies (FIDMA), en Xixón, del númberu 0 del selmanariu ‘Les Noticies’. L’históricu periódicu n’asturianu dafechu, que s’espublizó hasta febreru del 2012, va dixitalizase na so totalidá pa facilitar la so consulta llueu d’una donación fecha por Inaciu Iglesias.

L’editor y primer direutor del mediu aconceyó esta mañana con Antón García, direutor xeneral de Política Llingüística, con motivu d’esta efeméride. L’alcuentru sirvió pa que’l Gobiernu recibiere los 770 exemplares espublizaos nos 16 años de vida de la cabecera, confirmándose’l compromisu de la dixitalización de la totalidá d’ellos pa que cualquier ciudadanu pueda consultar les miles d’informaciones, reportaxes y artículos d’opinión firmaos nesti tiempu.

El primer númberu de ‘Les Noticies’ saldría a los quioscos el 6 de setiembre del 1996, un mes depués de la presentación del 0. Dende entós, tolos vienres foi fiel a la so cita colos llectores, llegando a tener una tirada d’hasta 5.000 exemplares.

La crisis del 2008 supunxo un duru revés pa la rentabilidá del periódicu. El so últimu númberu salió a la cai 3 de febreru del 2012, calteniendo la edición dixital unos meses más.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *