Publicado en Día de...

Día mundial de l’Astronomía

El día de güei, martes 13 d’abril celebra’l día mundial de l’astronomía y tamién se-y conoz como’l día del astronomo aficionáu.

«One People, OneSky«

Ye una celebración que surdió na ciudá de California, Estaos Xuníos, nel añu de 1973. El so ceador foi Doug Berger, quién para esi momentu ocupaba’l cargu de presidente de l’Asociación Astronómica de California del Norte.

L’oxetivu principal d’esti día, ye’l d’averar l’astronomía a la xente común, anubriendo les ciudaes de telescopios y motivando a les próximes xeneraciones a interesase por esta ciencia.

Ye más, el lema del Día Mundial de l’Astronomía ye «One People, OneSky«o lo que ye lo mesmo «Un pueblu, un cielu», lema que foi espublizáu pola Organización Astrónomos ensin Fronteres.

L’astronomía ye la ciencia qu’estudia la estructura y composición de los cuerpos celestes, como estrelles, planetes, meteoritos, furacos negros y demás fenómenos que s’atopen nel universu.

D’ente toles ciencies, l’astronomía ye xuna de les más antigües, porque surdió dende’l precisu momentu en que los homes dexaron de ser nómades y pasaron a establecese nun llugar xeográficu por muncho tiempu.

En realidá, los ciclos cósmicos fueron los que determinaron munches de les xeres diaries que realizaben les antigües civilizaciones. Ta comprobáu anguaño que los ciclos llunares afecten a los cultivos, según a les marees. Y, a lo último, xuna de les primeres brúxules qu’usaron los esploradores, sobremanera los que se llanzaron al mar, fueron les estrelles.

Bonalmente, l’astronomía ye muncho más qu’a cencielles entender el nuesu universu. Tamién ye una forma d’entendenos a nós mesmos y danos cuenta de lo infinitamente pequenos que somos, pero lo más interesante, ye que, a pesar de ser tan pequenos, dientro de cada unu de nós atopa la hestoria y los componentes de too esi universu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *