Librería Cervantes tá d´aniversariu.
Corría’l mes de setiembre de 1921 cuando Alfredo Quirós abrió les puertes d’un modestu local nel númberu 3 de la cai Doctor Casal, qu’entós s’atopaba pela rodiada d’Uviéu. El negociu incluyía imprenta, papelería y llibrería. Yeren los entamos de Cervantes, que cumple en setiembre el so primer sieglu.
- Noticia LNE
- Noticia Librería
Más de mediu millón de títulos componen les bases de datos y llegó a tener hasta una zona de llibros prohibíos. Alfredo Quirós traía títulos del estranxeru, de Francia e Hispanooamérica, y, según cuenta la so fía, veníen so una factura de biblies. Cuando’l paquete llegaba al so destín, abríense dempués de cerrar la tienda. Solo la xente de «muncho enfotu» podía entrar nesta sección y «hubo engarradielles pa ver quién los llevaba».