Publicado en collores, Curiosidaes

El color rosa nun esiste (tou ye un inventu del to celebru)

El color rosa nun esiste, la ciencia esplica que ye solo un inventu del to celebru tratando de conxugar el rosa y el violeta.

Fonte noticia: Ecoosfera, 2020/10/29

El rosa ye de los colores más populares y queríos, quiciabes pola so brillantez que nos convida a relaxanos y sentinos cómodos. Sicasí, hai quien dicen que el color rosa en realidá nun esiste y ye un inventu del celebru.

Metenos na definición d’esistencia, raya no filosófico y paecería bien azotáu aseverase que’l rosa nun esiste. Lo que sí podemos asegurar ye que’l rosa ye la resultancia del esfuerzu del celebru por conxugar el llargor d’onda del colloráu y el violeta.

Colores ente llargores d’onda

¿Cómo ye esto posible? Piensa nel espectru de colores, esta rexón denominada espectru visible ye una área del espectru electromagnéticu que l’home ye capaz de reparar. El güeyu humanu ye capaz de captar dende aprosimao xuna llargor d’onda de 400 nanómetros, qu’el nuesu celebru asimila como’l color violeta. Hasta’l llargor d’onda de 700 nanómetros, correspondiente al color coloráu.

Ente estos parámetros, tenemos otros llargores d’onda (colores): Naranxa, mariellu, verde, azul y índigo, son los otros colores que completen l’espectru visible del ser humanu. ¿Yá te falte cuenta? Esactamente, el rosa nun apaez.

Esti formosu anque dudosu color, nun tien unu llargor d’onda de lluz específico para él. El rosa en realidá nun esiste, ye solo un inventu del to celebru qu’intenta asimilar los llargores d’onda del violeta y el colloráu. Asina que tomando una postura purista respectu del espectru electromagnéticu, podríamos dicir que’l rosa más que un color, considérase un tinte deriváu del colloráu.

Pero nun funciona tan senciellu como eso, la gama de colores captaos pol güeyu humanu nun se refier a un espectru llineal. Nél intervienen amás de los llargores d’onda, valores de lluz añedíos (tintes) y valores d’escuridá añedíos (solombres). Si entemecemos toes estes variables, vamos llograr una gama muncho más complexa que namá l’espectru de colores del arcoíris.

Como puedes reparar na imaxe de riba, si amestamos tintes en candia (esto ye, más valores de lluz) lo qu’asocede ye qu’esti escláriase, dando como resultáu’l rosa. Ye por esto, que munchos nun consideren al rosa como un color, sinón más bien como un tinte del colloráu.

Anque si lo vemos dende una perspectiva a priori, la esistencia del rosa ta más bien amestada a la interpretación de la nuesa mente sobro lo que supon que ye la realidá. So esti argumentu, los colores más allá de ser xuna llargor d’onda del espectru visible, son sensaciones que tán dientro de la nuesa mente.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *