Yá tenemos cartelu para’l #DíaDelLibro ’24 realizáu pola ilustradora zaragozana Helena Pallarés. Na so obra quixo representar la pasión pola llectura, según la capacidá que tienen los llibros para faer qu’abandonemos nes sos hestories y que estes acaben formando parte de lo que somos.
El 23 d’abril conmemora’l Día Mundial del Llibru y del Derechu d’Autor. Proclamada pola Conferencia Xeneral de la UNESCO en 1995, esta fecha simbólica de la lliteratura universal coincide cola de la desapaición de los escritores William Shakespeare, Miguel de Cervantes ya Garcilaso de la Vega. Esti día rinde homenaxe a los llibros y a los autores y fomenta l’accesu a la llectura para’l mayor númberu posible de persones.
Amás, nesti día la UNESCO y les organizaciones internacionales que representen a los trés principales sectores de la industria del llibro −editores, llibreros y biblioteques− escueyen una ciudá como Capital Mundial del Llibru para caltener l’impulsu de les celebraciones d’esti día hasta’l 23 d’abril del añu siguiente. Esti 2024 la ciudá escoyida foi Estrasburgo.
Como cada añu, CEGAL sumise a la celebración d’esti día encargando a una ilustradora el diseñu del so cartelu conmemorativo. Anguaño la so autora ye Helena Pallarés, ilustradora, diseñadora y artista visual nacida en Zaragoza y afincada en París, que nos cuntó qué quixo espresar cola so propuesta:
La muyer qu’apaez nel cartelu ta lleendo mientres envolubra y abraza el llibru, casi como si tratase d’una amiga. Coles mesmes, el llibru coloráu asitiase nel centru de la figura, como una suerte de corazón, que completa y forma parte de la llectora. La mio intención con esta ilustración yera representar la pasión pola llectura, según la capacidá que tienen los llibros para faer qu’abandonemos nes sos hestories y que estes acaben formando parte de lo que somos.
