Publicado en Horru

El cestu que se fixo templu: los horros, almacenes de la identidá asturiana

La hestoria del pueblu asturianu ta guardada dientro d’un horru, una gran arca de l’ayalga patrimonial de la rexón española qu’afayamos na serie documental ‘L’Horru’.

¿Pue una construcción cuntar la hestoria entera de too un pueblu? Esa ye la entruga que’l periodista Jaime Santos fixo en plenu confinamientu pola COVID-19. Una cuestión a la que consiguió responder con L’Horru, una serie documental de cinco episodios producida por La Rebequina y Art&Life Productions para la TPA que yá ta disponible en Filmin.

Fora de les fronteres nacionales, l’horru ye un completu desconocíu, una edificación que llama l’atención pol so peculiar forma, al tar sosteníu sobro cuatro pilastres (pegollos), dexando un buecu ente la tierra onde s’asitia y la so superficie. Pero dientro d’España y de la mesma Asturies, estes construcciones tampoco fueron reconocíes como se merecen.

Foi esa falta de conocencia sobro unu de les tenaes más característiques de la nuesa tierra lo que llevó a Santos a embarcase en “un viaxe en busca d’un cestu que se fixo templu”, un monumentu que los asturianos tienen idealizada pero que, de la mesma, ignoren, ignorando con ello la so propia hestoria ya identidá.

Polos horros cuerre la hestoria del pueblu asturianu porque la so apaición y evolución posterior escurrieron en paralelu. A pesar de que les clases pudientes fueron les primeres en tener un horru, los llabradores empezaron a construyilos pa faer frente a les adversidaes de la climatoloxía y poder caltener les sos colleches evitando’l mugor del clima de la zona.

Les families rurales teníen entós un llugar onde guardar la so particular ayalga, un almacén agrícola que ponía a salvo el frutu de too el so esfuerzu y trabayu. L’horru convertíase asina nuna arca que tamién protexía les alcordances familiares. De magar, en plenu sieglu XVII, estes construcciones caltuviéronse prácticamente igual.

A pesar de que nun esiste un recuentu oficial d’horros, ye induldable que la so presencia ye xuna de les grandes señes d’identidá y reclamu turísticu d’Asturies. L’*Horru ye xuna invitación a redescubrir una de les pieces fundamentales del patrimoniu d’esta rexón, un alegatu por destacar el so valor testimonial, artísticu y técnicu.

Porque los horros son l’arca que guarda la meyor ayalga: la identidá de too un pueblu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *