Un restorán enterose del talentu d’esti neñu y contratolu para decoralo.
- Imáxenes
- The Doodle Boy o “el neñu de los garabatos”
Con solo nueve años, Joe Whale ye un espertu faciendo garabatos. El pequeñu lleva años enllenando los sos cuadiernos con dibuxos de persones, bisarmes y cualesquier otra cosa que sala de la so imaxinación. Los sos padres siempres impulsaron el so amor polos garabatos, pero non toles persones a la so alredor piensen lo mesmo. Whale tuvo problemes colos sos profesores por dibuxar en clase. Al dase cuenta de que precisaba espresar la so creatividá, los sos padres decidieron inscribilo n’una clase d’arte dempués de la escuela. Una de les sos maestres vio’l talentu innato de Whale y publicó el so trabayu n´Instagram. Gracies a eso, surdió una oportunidá única para esti artista.
Number 4, un restorán allugáu en Shrewsbury, onde vivi Whale, vio la publicación de la maestra. Los dueños convidaronlu al so establecimientu, y pidiéron-y que decorara los murios del comedor colos sos dibuxos. Whale nun duldó nin un segundu en toma-yos la palabra, y agora les parés de la cortil tán cubiertes de dibuxos dafechu orixinales. Tolos díes al terminar la escuela, el so padre llévalu a Number 4, onde escarabayaba con un rotulador por un par d’hores. “Joe tien cuadiernos onde apunta idees cuando les tien”, esplica Greg, el so padre, “pero diría qu’el 80% de les coses que dibuxa salen directamente de la so cabeza”.