Publicado en Alimentos, Festival gastronómicu

Fiestes gastronómiques de Los Nabos

Sotrondio celebra les xornaes gastronómiques col pote de ñabos como protagonista. Van sirvise cerca de 137 raciones diaries nos 10 restauranes que participen na cita.

Sotrondio celebra un añu más les sos xornaes gastronómiques col pote de ñabos como absolutu protagonista. Les potes nos fogones, preparaes pa sirvir el menú tradicional de la fiesta de los ñabos en Sotrondio: pote de ñabos, callos y casadielles.

Una cita na que se cocinen a pocu fueu una media de 125 quilos d’esti productu pa sirvir cerca de 137 raciones diaries nos 10 restauranes que participen nesta cita d’Interés Turísticu Rexonal que se celebra esti fin de selmana. Un sofitu pa la hostelería.

Los restauranes tán completos, polo que munchos ufierten el menú pa llevar. Y pa los que cocinen non profesionalmente, hai concursu. Tol que lo desee pue participar col so pote cocináu en casa.

/

 

 

*Sotrondio enciende los fogones para celebrar del 11 al 13 de payares les fiestes gastronómiques de Los Nabos, declaraes d’interés Turísticu Rexonal pol Principáu, con un menú tradicional compuestu por pote de nabos y ración de dureces, con «casadielles» de postre, regáu con vinu o sidra, que podrá tastiase na comida o na cena n’una decena de restoranes y sidreríes.

Los locales hosteleros de Sotrondio y contorna van sirvir el menú mientres tou la fin de selmana, a un preciu que bazcuya llixeramente d’un establecimientu a otru, pero qu’el so mueve en redol a los 24 euros.

 Los Nabos de Sotrondio, un llugar para esfrutar de la gastronomía

La localidá de *Sotrondio en Samartín del Rei Aurelio ye l’atopadizu escenariu de la Fiesta de los Nabos. Esta orixinal fiesta gastronómica esibe’l potencial de tradición culinaria y capacidá creativa nel corazón del Valle del Nalón. En pocos llugares d’Asturies tastia un pote de nabos tan sabrosu y sanu como’l que sale de los fogones sotrondinos mientres los díes que dura la fiesta.

La celebración coincide cola festividá de San Martín de Tours, patronu del conceyu, y los actos principales son la misa solemne, la puya’ l ramu, los pasacalles de gaita y tambor, les dances tradicionales y de xacíu la entrega del Nabu d’Oru, que se concede cada añu a una destacada personalidá.

El día grande de la fiesta ye anguaño’l sábadu 12 de payares y tantu nesa xornada como’l restu de los díes de festexu los restoranes, sidreríes y cases de comíes de Sotrondio ufierten el tradicional menú de los nabos, que suel acompañase d’un segundu platu de dureces y de postre, un dulce típicu que suelen ser casadielles, fayuelos o arroz con lleche.

Anque nun se sabe a ciencia cierta l’orixe d’asemeyáu y orixinal tradición, hai una lleenda que diz foi’l rei Aurelio de la monarquía asturiana, allá pel añu 774, quién dio llugar a asemeyada tradición al poner la capital del reinu nesti conceyu, y ser daquella los nabos un apreciáu tubérculu nos vezos culinarios d’entós.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *