El Día Mundial de la Poesía celebrase cada añu’l día 21 de marzu coincidiendo cola entrada de la Primavera. La poesía ye una forma d’espresión practicada por toles cultures humanes que fala de los nuesos valores compartíos y promueve’l diálogu y la paz. Amás, la UNESCO celebra esti día para sofitar la diversidá llingüística y la visibilización de les llingües en peligru de desapaición.
Día Mundial de la Poesía (UNESCO)
Proyecto Asturies, capital mundial de la poesía. La Conseyería d’Educación va sumase al proyectu Asturies, capital mundial de la poesía que los sos actos centrales tán programaos para’l día 21 de marzu en distintos llugares del Principáu, coincidiendo cola celebración del Día Mundial de la Poesía declaráu pola Organización de les Naciones Xuníes (ONU).
Avérase’l 21 de marzu y les actividaes poétiques multipliquense nel Principáu. Como n’años anteriores, esi día repicarán con fuerza les campanes de la Catedral y de la Basílica de Cuadonga, van faese llectures públiques, van dase a conocer los meyores poesíes de los pelegrinos partipantes en «Camín de poetes», va fallase’l Premiu Internacional de Poesía Xovellanos y van distribuyise estos dípticos a les persones hospitalizaes.
