Publicado en Mazcaraes

Naiara Suárez ye la primera yerbata n’enfundarse la mázcara de sidru

Naiara Suárez ye la primera yerbata n’enfundarse la mázcara de sidru y la segunda muyer tres la valdesotina Cristina García sidru-women. Naiara Suárez y Cristina García, en Lisboa, onde participaron como sidros nel Festival de la Mázcara Ibérica.


Sidros ensin estereotipos

Una charra entamada dende’l grupu de participación xuvenil de Bimenes sobro los Sidros y Comedies semó la grana. Pablo Canal, representante de l’Asociación El Cencerru, de Valdesoto, faló de la mázcara, de los sos componentes y de la so tradición y propunxo a los presentes formar un grupu nel conceyu.

Foi xuna esperiencia xenial, paselo perbién y tengo munches ganes de repitir

La idea nun salió adelantre por falta de participantes, pero a Naiara Suárez, xuna mozu yerbata de 13 años, yá-y granaren les ganes. «Quixo dende’l principiu, pero para ser sidru, ver daqué de lo más normal», asegura la so madre, Laura Sánchez.
por Taboola

Y la casualidá quixo que va unos díes presentárase la oportunidá. El Cencerru viose ensin xente para participar nel Festival Internacional de la Mázcara Ibérica que se celebra en Lisboa y Pablo llamó a Laura por que preguntara al so cuñáu, Iván Rivera, si podía dir. Sabía del interés del nuevu y tamién s’apuntó la pareya de Laura, Christian Marcos. «En cuanto enteróse, Naiara dixo qu’ella diba, pero de primeres Pablo nun taba bien pol llabor porque Lisboa ye un sitiu difícil de mano, la mázcara pesa y suel faer enforma calor; pero falamos con Cristina y a la fin convenciola», rellata.

«Foi xuna esperiencia xenial, pasemoslo perbién y tengo munches ganes de repitir», asegura la nueva. Naiara ye yá oficialmente la primera yerbata y la segunda muyer sidru. La primera foi Cristina García Taboada, que s’estrenó con 20 años nun desfile. Lo suyo, cuenta, foi por insistencia. «El mio padre yera sidru y yo tamién quería brincar y faer sonar les llueques, pero la tradición ye que sían homes; toi na Comedia y di turriar” unos cuantos años hasta qu’en 2019 dixéronme que sí», rellata. Agora, dambes tán «bien arguyoses» de caltener la tradición y, al empar, dexar tras estereotipos.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *