Publicado en Campañes, Oficialidá

Garanticemos la pluralidá llingüística

Iniciativa pol Asturianu

Iniciativa pol Asturianu presenta la nueva campaña “Garanticemos la diversidá llingüística”. Al traviés d’un videu fechu en comuña xunto con otres entidaes de reivindicación llingüística del Estáu, la entidá pretende facer un llamáu a la pluralidá llingüística d’España onde un 45% de la población vive en territorios con llingua propia que tien que convivir col castellán.

El videu, fechu en comuña xunto con otres entidaes de reivindicación llingüística del Estáu, pretende facer un llamáu a la pluralidá llingüística d’España

La infografía quier mostrar a la sociedá que les llingües son una amuesa de diversidá, que’l so usu nun va contra naide y que nun hai llingües superiores nin inferiores. Amás tamién pretende facer ver la situación de desigualdá del asturianu y les demás llingües frente al castellán, amás nuna situación como la de la llingua asturiana onde la falta d’oficialidá agranda esa diferencia de drechos de la ciudadanía asturfalante.
La voluntá de les asociaciones de reivindicación llingüística ye que l’Estáu español cumpla los alcuerdos internacionales que ratificó y les recomendaciones en materia llingüística del Conseyu d’Europa.
La participación d’Iniciativa pol Asturianu y la presencia del nuesu idioma nesta campaña ye una continuación del trabayu desendolcáu cola presentación va un añu del manifiestu Pluralidá Llingüística: Llibertá, Igualdá y Democracia. Iniciativa pol Asturianu quier mostrar al restu de comunidaes llingüístiques y al restu del Estáu la complicada situación del idioma.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *