Publicado en Premios, RTPA

«Premiu 8 de marzu»

La periodista y escritora Aitana Castaño recibe’l ‘Premiu 8 de marzu’

El xuráu destaca la recuperación de la memoria d’una xeneración de muyeres col so llibru ‘Carboneres’

La nuesa compañera Aitana Castaño va recibir el ‘Premiu 8 de marzu’ que cada añu concede’l Conseyu Comarcal de Muyeres de la Mancomunidá de la Sidra. El xuráu valoró’l llabor de la periodista y escritora, de quien destaca la so llucha pola igualdá nos medios de comunicación y la recuperación de la memoria de toa una xeneración de muyeres que protagonicen el so últimu llibru, ‘Carboneres’.

Nun añu tan complicáu como ésti, el Conseyu de Muyeres de la Comarca de la Sidra dio’l ‘Premiu 8 de marzu’ a la periodista y escritora Aitana Castaño. Un galardón que la nuesa compañera de TPA Noticies va recibir el próximu 9 de marzu pol so llabor, esplica’l xuráu, en favor de la igualdá nos medios de comunicación y redes sociales, y por recuperar del olvidu a toa una xeneración de muyeres col so últimu trabayu, ‘Carboneres’.

La periodista llangreana ta somorguiada na promoción de ‘Carboneres’, que va llegar a la so tercer edición, y recibe esti premiu arguyosa polo que representa, nun añu nel que les reivindicaciones van tener qu’adaptase a la situación sanitaria.

La entrega va poder facese na sede de la Mancomunidá’l próximu 9 de marzu, con aforu amenorgáu, y de forma paralela, el conseyu va llevar la llucha pola igualdá a les redes sociales. Va asoleyar una serie de podcasts nos que’l protagonismu va recayer nes muyeres rurales y la so difícil situación social nestos tiempos de pandemia.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *