Publicado en Día de...

Día Mundial de la Tapa

El tercer xueves de xunu celebra’l Día Mundial de la Tapa, una de les tradiciones más populares n’España, país onde s’envalora qu’un 60% de los establecimientos ufierten una tapa gratuita como acompañamientu de la bébora.

La iniciativa del Día Mundial de la Tapa provien de l’Asociación Saborguia España, que cada añu anima a los hosteleros a participar nesti eventu precisamente para espublizar la cultura de la tapa, yá sía con degustaciones, concursos, presentación d’una tapa especial, etc.

/

Una tapa n’España ye esencialmente un aperitivo que se sirve na mayoría de los chigres o restoranes acompañando a la bébora (alcohólica o non). A esti consumu itinerante (local, consumición y nuevu local) llámase-y tapeo, o dir de tapes. En munches rexones d’España ye abondo habitual salir a cenar o a comer les fines de selmana a base de tapeo, forma de comer referida davezu como picar o picotio.

Les tapes llegaron a convertise n’una señal d’identidá española y son ufiertaes nes llacuaes de recepción a los más altos dignatarios (nos denominaos tapes meeting).

Cunta la lleenda que’l Rei Alfonso X El Sabiu dispunxo que nun se sirviera nos mesones castellanos nenguna bébora que nun fuera acompañada de dalgún bocado de comida, para evitar que l’alcohol xubiérase a la cabeza de manera rápida.

Entós les tapes solíen consistir n’una loncha de xamón o quesu que se ponía sobro’l vasu y que non solo sirvía pa comelo, sinón que tamién cumplía otra importante misión. Y yera que los insectos voladores nun entraren nel líquidu. D’esta manera, la comida sirvía tamién a manera de tapadoria de la taza, y pollo quedó col nome de tapa.

Les tapes más populares n’España suelen ser la tortiella de pataca, el xamón serranu, el quesu, la ensaladilla rusa, les pataques braves, o les aceitunes. Pero realmente cualquier alimentu puede ser protagonista d’una bona tapa.


 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *