Los arqueólogos afayaron una nueva especie de dinosauriu herbívoru cuadrúpedu de nueve metros de llongura con escayos llargos y afilaes nel pescuezu que vivió fai 140 millones d’años, a empiezos del Cretácicu Inferior, na actual Patagonia arxentina, informa AFP. L’animal foi bautizáu como Bajadasaurus pronuspinax.
El descubrimientu del nuevu dinosauriu perteneciente a la familia de los dicreosáuridos y al gran grupu de los saurópodos foi detalláu esti llunes na revista Scientific Reports.
Según los espertos, estos escayos sirvíen como arma para defendese de los depredadores. «Nós creemos que les desaxeradamente llargues y apuntiaos escayos nel pescuezu y el llombu del Bajadasaurus teníen de sirvir pa disuadir a posibles predadores», cunta Pablo Pita, autor principal del estudiu.
Amás, los especialistes detallen que los escayos tamién podríen sirvir pa regular la temperatura corporal del dinosauriu y faelo más curiosu para a les sos pareyes. La especie tenía una gorrumba similar a la de los camellos.
Coles mesmes, los espertos aventuren que los sos escayos teníen que tener una estructura dura, porque si solu fueren güesos desnudos o cubiertos con piel podríen sufrir mancadures o quebres nes lluches con otros animales. «Estos escayos tuvieron de tar protexíes por una funda córnea de queratina similar a lo qu’asocede nos cuernos de munchos mamíferos», afirma Pita.
N’estudiando’l craniu meyor calteníu del dinosauriu sábese que la localización de les cuenques de los güeyos dexáben-yos xixilar lo que pasaba na so redolada ente que s’alimentaba de les plantes nel suelu.
