Publicado en Día de..., Sin categoría

Día Mundial del Mediu Ambiente, 5 de xunu

El Día Mundial del Mediu Ambiente 2021, entamáu per Pakistán, va marcar l’entamu del Deceniu de les Naciones Xuníes sobro la Restauración de los Ecosistemes. Una fecha pa cavilgar sobro la necesidá de protexer el planeta:
🌊 Mares y ríos contaminaos.
💨 Niveles récord de CO2 na atmósfera.
🏞️ +50% de los ecosistemes terrestres estropiaos.
🌡️ La temperatura aumenta cada vez más rápidu.

“La restauración de los ecosistemes y l’urxencia de faer les paces cola naturaleza”.

Nun podemos volver el tiempu tras. Pero podemos cultivar árboles, reverdecer les nueses ciudaes, repoblar los nuesos xardinos con especies monteses, camudar les nueses dietes y llimpiar ríos y mariñes. Somos la xeneración que puede faer les paces cola naturaleza.

Ye la nuesa última oportunidá para correxir l’aldu: prevenir la catástrofe climática, detener la creciente fola de contaminación y refugayes, y frenar la perda de biodiversidá. Tu tamién puedes protexer lo que queda y reparar lo que foi estropiáu. Síamos activos, non ansiosos. Síamos coraxosos, non cobardes. Ye’l nuesu momentu. Ye’l to momentu. Xúnite a #XeneraciónRestauración


Protexer y ameyorar el mediu ambiente ye curiar de la salú del nuesu planeta. So esta premisa celebra cada 5 de xunu’l Día Mundial del Mediu Ambiente. Una oportunidá pa recordar l’enorme valor de la naturaleza y l’importancia de protexela. Por ello, ye bon momentu pa roblar la paz cola naturaleza y llograr un futuru más sostenible.

2021: Restauración d’Ecosistemes

La tema del Día Mundial del Mediu Ambiente del 2021 céntrase na restauración d’ecosistemes. Y ye que los ecosistemes son el sustentu de la vida nel planeta. El so cuidu y protección repercute de forma directa na salú del planeta y los sos habitantes.

Pakistán va ser el país anfitrión d’esti importante día. La so elección débese al so ambiciosu proyectu col qu’entama llantar 10.000 millones d’árboles nun plazu de 5 años. Trátase d’unu de los esfuerzos más ambiciosos redolada a la forestación realizáu hasta la fecha.

Orixe del Día Mundial del Mediu Ambiente

Foi en 1974 cuando la Organización de les Naciones Xuníes establecieron el 5 de xunu como’l Día Mundial del Mediu Ambiente. L´ONU marcóse como oxetivu principal d’esti día la sensibilización ambiental y llograr motivar a la población mundial a ser parte activa del desenvolvimientu sostenible.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *