- Fonte: La Voz /L.O. / F. Sotomonte
- Frecuencies y interconexiones: cómo va ser el metro» d’Asturies
El Principáu quier amás prorrogar más allá de 2023 la tarifa plana intermodal
El Gobiernu asturianu púnxo bona cara al mal tiempu del retrasu de los nuevos trenes de cercaníes (retrasaos por un erru de diseñu) y a la compensación de Tresportes por que los viaxes sían gratuitos hasta 2026, y col compromisu de recibir más vehículos (17 frente a los 10 iniciales) de lo proxectao.
Esti alcuerdu tien de ser un puntu d’inflexón» según el conseyeru de Mediu Rural y Cohesión Territorial, Alejandro Calvo, por que Cercaníes convertirase nun «futuru metro» qu’articule la área central coles zones de desenvolvimientu.
Metro vien de metropolitanu. Y ye l’horizonte final del tresformamientu de la rede ferroviaria de la área Central pa la que los planes del Executivu asturianu entienden una intensa remodelación. Asina, dientro del Plan pa la Movilidá Multimodal na Área Metropolitana del Principáu d’Asturies destáquense una serie d’actuaciones:
-Una renovación y modernización de la infraestructura esistente. Ente les actuaciones ta destacada la renovación integral del tramu La Pola L.lena-Xixón, que ye la que se vio afectada por discutinios recién y ta previstu que pueda empecipiase n’añu y mediu.
-La meyora del nuedu de Villabona, con iniciatives amás p’anovar estaciones y pasos inferiores.
-Renovación integral de vía nel tramu Cualloto-Infiesto y nel de Xixón-Llaviana. Tamién se plantega la meyora de l’accesibilidá na estación de Pola de Siero.
-Potenciación de les frecuencies: El plan recueye la medría de 7 circulaciones per sentíu de llunes a vienres, con orixe-destino Llamaquique (Uviéu)- Avilés, p’ameyorar la frecuencia media asitiándola ente 15 y 30 minutos mientres tol día. La idea ye que de Xixón a Uviéu y viceversa haya frecuencies cada 15 minutos.
-N’intermodalidad recuéyense actuaciones como conectar (por Nicolás Soria) la Estación d’autobuses d’Uviéu y l’estación del ferrocarril d’Uría. Pero tamién ameyorala ente la Estación d’autobuses y l’estación del ferrocarril de Llangréu.
-Otra de les conexones que tien de cerrar esi metro de la área central ye la conexón por ferrocarril col aeropuertu.
Tamién la pasada xornada, el presidente asturianu, Adrián Barbón dixo qu’el so executivu afitóse como oxetivu prorrogar la tarxeta CONECTA, que dexa viaxar n’autobús urbanu ya interurbanu por tol Principáu por 30 euros al mes, más allá de 2030.
La tarifa plana entró a valir el pasáu mes de setiembre con un costu que supunxo xuna bonificación d’hasta’l 86 per cientu sobro les tarifes que taben vixentes nes nales de la rexón.
L’oxetivu prioritariu cola so puesta en marcha foi ufiertar una alternativa de tresporte per carretera competitiva y a bon preciu y llegar a onde nun llegaba’l tresporte ferroviariu.
La tarifa plana dexa aportar de forma ilimitada a tolos servicios de tresporte interurbanu per carretera del Consorciu de Tresporte d’Asturies (CTA), de les empreses de tresporte urbanu d’Uviéu, Xixón y Mieres, y de los servicios urbanos emprestaos pol CTA nes contornes d’Avilés y Nalón, según a tolos servicios de cercaníes ferroviaries, tanto de Renfe como de Feve.
