Publicado en Sin categoría

José Ángel Gayol, Premiu de la Crítica de narrativa n’asturianu

«En primera persona», de José Ángel Gayol, Premiu de la Crítica de narrativa n’asturianu

José Ángel Gayol ta acabante gallardonar col XX Premiu de la Crítica de l’Asociación d’Escritores d’Asturies na categoría de Narrativa n’asturianu. Esti xueves pasáu, 10 d’avientu, a les siete la tarde, axuntó de forma telemática’l xuráu d’esti gallardón conformáu polos escritores Dolfo Camilo Díaz, Rafa R. Valdés y Ánxel Álvarez Llano, tando como secretariu con voz pero ensin votu: Víctor Suárez Piñero, Secretariu de l’Asociación.

Tres destacar el contentu pola bona participación y sobre manera pola calidá de les cuatro obres presentaes como candidates al premiu, lo que pal xuráu fala del bon momentu del panorama lliterariu n’asturianu, aldericóse sobre les mesmes, tomándose por unanimidá’l determín de declarar ganador del premiu al llibru En primera persona, asoleyáu por Ediciones Trabe con autoría de José Ángel Gayol.

El xuráu destaca el valor del xéneru que desarrolla: el diario. L’autor presenta una obra homoxénea magar la so variedá temática, bien pensada na que nun s’escuende y s’amuesa una verdá cola que ye fácil empatizar.

L’autor tien nel so haber otros premios como’l premiu Asturies Xoven gana’l de Testos Teatrales cola obra Ensin noticies del fin del mundu. En 2011 consigue’l premiu “Elvira Castañón” pol llibru Los poemes del oriental, y el premiu Fernán Coronas col poemariu Los suaños y los díes. En 2012 gana’l Premiu Xuan María Acebal de poesía con El llibru de les coses misterioses, confirmándose como “ún de los poetes n’asturianu más destacaos de la so xeneración”. En 2015 faise col fuertes Acevedo d’ensayu con Vértigu, premiu que volvería a ganar con El silenciu invisible. L’atracción del abismu na sociedá contemporánea. Nel añu 2018 alzaríase col premiu de II Concursu de rellatos curtios “Xosé Caveda y Nava”» col so trabayu Tolo que sé sobre toles coses y en 2020 sedría’l ganador del Concursu de Cuentos pola Oficialidá del Asturianu del conceyu Bimenes col cuentu: Dalgunes posibilidaes de la domótica.

    • En primera personaAutor: José Ángel Gayol

    • 978-84-8053-967-8
    • Edición: Primera
    • Páxines: 256
    • Fecha de publicación: 11/11/2019
    • Formatu: 13 x 20 cm
    • Idioma: Asturianu
    • PVP: 15.00 €
    • E Ediciones Trabe

En primera persona ye una triba de diariu lliterariu, que mira más pa fuera que pa dientro de quien escribe. Pero ye, tamién, un ensayu diarísticu o un diariu ensayísticu.

Autor:

Maestra de Llingua Asturiana Colexu Carmen Ruiz-Tilve - Uviéu