Publicado en Día de...

Declaración Universal de los Derechos Humanos

Tal día como güei de 1948, l’Asamblea Xeneral de les Naciones Xuníes aprobó la Declaración Universal de los Derechos Humanos tres el terrible impactu que causó la Segunda Guerra Mundial.


Queremos poner el nuesu granín d’arena recordando los Derechos de la Infancia en particular con un catálogu cargáu d’actividaes y llectures que vas atopar nel enllaz axuntu.

La Declaración de los Derechos de la Infancia establez los siguientes diez principios:
1. Derechu a la igualdá, ensin distinción de raza, relixón o nacionalidá.
2. Derechu a tener una protección especial para’l desenvolvimientu físicu, mental y social del neñu en condiciones de llibertá y dignidá.
3. Derechu a un nome y a una nacionalidá dende la so nacencia.
4. Derechu a una alimentación, vivienda y atención médica fayadices.
5. Derechu a una educación y a un tratamientu especial para aquellos neños que sufren dalguna discapacidá mental o física.
6. Derechu a la comprensión y al amor de los padres y de la sociedá.
7. Derechu a actividaes recreatives y a una educación gratuita.
8. Derechu a tar ente los primeres en recibir ayuda en cualquier circunstancia.
9. Derechu a la protección contra cualquier forma d’abandonu, crueldá y esplotación.
10. Derechu a ser criáu con un espíritu de comprensión, tolerancia, amistá ente los pueblos y hermandá universal.

Pa trabayar na aula o en casa cada unu de los derechos de los neños, neñes y adolescentes, proponemos faételo dende la lliteratura, con una cuidada selección de títulos por edaes que puedes descargar nel siguiente documentu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *