🎨Ilustración d’Eulalia Cornejo
«La música de les palabres», de Margarita Engle.
Cuando lleemos, a la nuesa mente crécenlu nales.
Cuando escribimos, los nuesos deos canten.
Les palabres son tambores y flautes na páxina, páxaros
cantores qu’alcen el vuelu y elefantes
que trompetean, ríos
que flúin, cascaes que cayen, camparines
qu’esnalen
¡a lo cimero del cielu!
Les palabres convídennos a baillar:
ritmos, rimas, llatíos del corazón, ruiu de cascos
y aleteos, fábules
antigües y nueves, ficticies
y reales.
Nun importa si tas cómodamente en casa
o cruciando la frontera escontra un nuevu país
y un idioma desconocíu, los cuentos y poemes
son tos.
Cuando compartimos les palabres, les nueses voces
tresformense na música del futuru, en
paz, allegría y amistá, una melodía d’esperanza.
