- Fonte: Álvaro Bilbao Neuropsicólogo/
- Peli «Encanto»: ficha Disney /
Va unu tiempu vimos en casa la película «Encanto» y dende entós les mios fíes nun dexaron de cantar esti cantar. Si los tos fíos canten «Nun se fala de Bruno»...puedes aprovechar pa falar d’estes 4 coses:
- 1. Que toos precisamos ayuda
- 2. Que nun hai que ser perfectos
- 3. Que nun tenemos que tar siempres allegres
- 4. Qu’hai que falar de los problemes
1. Que toos precisamos ayuda. La hermana más fuerte ye Luisa. Encárgase de toles xeres dures ella sola. Pero hasta les persones más fuertes precisen ayuda; de lo contrario desenvolvemos tics, *estrés y col tiempu ansiedá. Nenguna persona puede faer toles coses por sí sola. Ye importante que pidan ayuda cuando la precisen.
2. Que nun hai que ser perfectos. Isabela ye la hermana perfecta. Tien un pelo rescamplante, ye responsable y siempres ta perfecta. Pero la realidá ye que naide pue ser perfectu. Nun sías demasiao esixente colos tos fíos. L’escesu d’esixencia deriva en murnia. Muéstrales les tos imperfecciones, reconoz los tos erros y recuérda-yos a nun tienen que ser perfectos pa satisfaer a los demás.
3. Que nun tenemos que tar siempres allegres. La tida Pepa controla’l clima colos sos estaos d’ánimu. Fixéron-y creer que la felicidá de los demás depende del so estáu anímicu. Pero esa ye una carga bien pesada que provoca codependencia. Nun pidas a los tos fíos que faigan les coses por ti y nun-yos faigas sentir que tienen que tar siempres contentos. Toos tenemos derechu a sentinos murnios.
Y SOBREMANERA…
4. Qu’hai que falar de los problemes. La güela tien mieu de falar de los problemes. Pero la realidá ye que si nun falamos de los problemes y dificultaes que vivimos queden pa siempres nel nuesu corazón. Ye lo qu’en psicoloxía llamamos traumas emocionales. El tíu Brunu sí vía los problemes y por eso la Güela ordena que naide fale de Bruno. Ye importante qu’enseñes a los tos fíos que falar de los problemes ye la meyor manera de curiar la so salú mental.
ENCANTU ye en realidá una película sobro los traumas xeneracionales (dificultaes que se pasen de xeneración en xeneración) y los mandatos familiares (los papeles qu’asignamos a los fíos dientro de la familia).
Aprovecha’l so interés pol cantar pa falar d’estes temes tan importantes pal so desenvolvimientu emocional. Puedes empezar con entrugues sencielles como:
-“¿Por qué-y pica’l güeyu a Luisa?”
-“¿Cómo se siente *Isabela cola so boda?”
-”¿Tu tas allegre tol tiempu?”
– “El to sabes que si tienes un problema en casa o na escuela puedes cuntar a pá y ma, verdá??”
O a cencielles tener presente esta hestoria pa nun repitir estos erros na to familia.
RECUERDA: Falar de Bruno, anque forga, ye un signu de bona Salú Mental
