Güei celébrase’l #DíaNacionalDelTransplante y España sigue tando ente los líderes mundiales. En 2022 realizáronse casi 5.400 tresplantes d’órganos. Como cada añu, l’últimu miércoles de marzu, celébrase’l Día Nacional del Tresplante. El regalu que salva miles de vides nel nuesu país.
- Fonte: Antena3 /
Tamién pretende concenciase ya informar sobro esti procedimientu coles mires de fomentalo y de reconocer el llabor de los profesionales que faen posible directa o indirectamente esti actu.
Un tresplante ye, a les traces, sustituyir un órganu o texíu enfermo por otru que funcione afechiscamente. Pa ello precísase obligatoriamente la esistencia de donantes. Donar significa tar dispuestu a realizar un actu d’altruísmu y solidaridá pa salvar a una persona que la so única alternativa que tien pa siguir vivu ye’l tresplante.
Los datos d’esti 2022 presentaos pola Organización Nacional de Tresplantes apunten qu’España realizó una media de 15 tresplantes diarios, algamando un total de 5383 l’añu pasáu.
Los datos crecen, dexando tras la baxada que sufrieron na pandemia. La ONT rexistra un total de 3402 tresplantes renales, 1159 hepáticos, 415 de pulmón, 311 cardiacos, 92 de páncreas y 4 d’intestín. Les comunidaes autónomes que destacaron esti 2022 son Cantabria y Navarra, superando los 70 donantes per millón de población. A elles suman otres cinco que superen los 50 donantes: Estremadura, La Rioxa, País Vascu, Asturies, y Canaries.
España ye’l país con mayor tasa de donación de too el mundu. El so funcionamientu ye consideráu mundialmente como un exemplu a siguir; ello ye que tase enllantando en gran parte del mundu. Sicasí, a pesar d’estos datos, aprosimao’l 10% de los receptores finen mientres esperen recibir un órganu. Por esti motivu hai que siguir trabayando para incentivar la donación, informando a la sociedá y desmontando tabúes que pueden llegar a imposibilitar esti actu.
<
