Publicado en Esposiciones, Mazcaraes

Esposición de mazcaraes d’iviernu nel Muséu «Pepe el Ferreriru»

 Al traviés de les semeyes de Mara Herrero puedes percorrer nel Muséu trés d’estes mazcaraes recuperaes.

📸 La esposición inclúi 28 fotografíes realizaes por Mara Herrero en 2015 y 5 paneles esplicativos con testos de testos de Ramsés Ilesies y Xosé Ambás escritos n’asturianu, gallego-asturianu y castellán.

Les mazcaraes d’iviernu son una manifestación cultural que comparte toa Europa. Utilizando materiales comunes y ferramientes d’usu cotidianu, los mozos amarútense componiendo personaxes que percuerren el pueblu y les viviendes realizando acciones provocadores y solicitando l’aguilandu.

La esraizadura (el desarraigo) y abandonu del mundu rural provocaron el so casi total desapaición nel sieglu pasáu. N’Asturies, asistimos nos últimos años a la recuperación de delles d’estes representaciones, revitalizando asina una de les manifestaciones más populares del nuesu patrimoniu cultural.

Nesta esposición amuésense trés d’estes mazcaraes asturianes recuperaes: Los Aguilandeiros de San Xuan de Villapañada, nel conceyu de Grau; Vos Reises d’El Valledor, del conceyu d’Ayande, y Vos Reises del Monte del conceyu d’Ibias.

La esposición inclúi 28 fotografíes realizaes por Mara Herrero en 2015 y 5 paneles esplicativos con testos de testos de Ramsés Ilesies y Xosé Ambás escritos n’asturianu, gallego-asturianu y castellán. La razón ta en que dambos autores tienen una relación bien estrecha coles fiestes de mázcares, y parte de la culpa de la so recuperación.

Y a la de realizar les fotografíes, apúrre-y enforma porque «tienen enforma coloríu y son daqué estraordinariu, bien distintu de la vida normal, del común de los díes; les mazcaraes son una sorpresa continua, te sosprienden porque son daqué distinta, anque fores otros años, siempres acaba per sosprender te; para mi, anguaño hai poques coses que te sospriendan asina».

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *