El meyor pueblo d’Asturies pel hibiernu, según The Telegraph: «Ye un llugar máxicu». El periódicu británicu ye categóricu tocantes a la elección de la población, una de les más representatives del Oriente asturianu y na que, afirma, «el tiempu paez detenese»
Vista aérea del puertu de Llanes. / Viaxes National Geographic.
Cuideiru, Llastres, Castropol, Lluanco… La llista de poblaciones asturianes que cada añu aspiren a ser la más formosa del Principáu ye estensa, anque davezu esa competición circunscribese a los meses branizos. Sicasí, el diariu británicu The Telegraph rompió esa baraxa, escoyendo la localidá d’Asturies más formosa… Pel hibiernu. Y nun se trata de nenguna de les anteriores, nin tanto. La revista Esquire fíxose ecu d’una resultancia qu’a dalgunos va sosprender, a otros resultará-yos comprensible, y en más d’unu va espertar envidies sanes. Porque l’espaciu escoyíu como’l pueblu ivernizu más guapu de la rexón ye… Llanes.
La ‘Bien noble y lleal villa’, llamada asina en tiempos del rei Alfonso X el Sabiu, ye, a xuiciu de la publicación anglosaxona, «un llugar máxicu», nel cual «el tiempu paez detenese». El so puertu, les sos construcciones, los paisaxes naturales qu’arrodien l’enclave… Tou ello sedució a los evaluadores, qué tanto. Pero, sobremanera, fueron claves los sos precios algamadizos y l’escasa masificación turística na temporada iverniza. Una realidá que, eso sí, los vecinos de Llanes esperen qu’esta resultancia nun alterie.
