Volvió l’Antroxu a Ribesella y anque lo fixo nun formatu embrivíu», col desfile de la nueche del llunes como únicu aliciente, los riosellanos salieron a la cai para esfrutar y aplaudir la imaxinación de los que s’amarutaron.
Como cada añu los vecinos de Toriellu fueron otra vegada los que más aplausos se llevaron, nesta ocasión pola puesta n’escena d’una auténtica tribu africana, los Mahou-ai. Tampoco faltaron a la cita riosellano dos grupos del vecín conceyu de Llanes, que yá desfilaron el sábadu na capital llanisca: los vecinos de Posada la Vieya, qu’anguaño rinden tributu al Fary y l’espectacular grupu de Mad Max.