L’asturianu esguila hasta’l puestu 50 nel barómetru de les llingües del mundu.
- Fonte: EuropaPress /
L’asturianu pasó del puestu 61 al 50 nel ‘Baromètre des langues dans le monde’, que realicen los espertos Alain Calvet y Louis-Jean Calvet y que publica’l Ministeriu de Cultura francés. El documentu analiza 634 idiomes del mundu según la so presencia en dellos estamentos sociales y nel casu del asturianu establez como puntos débiles la so presencia universitaria y el so estatus llegal, que puntúen como 0. Encabecen el llistáu l’inglés, francés, español, alemán y rusu.
Encabecen el llistáu l’inglés, francés, español, alemán y rusu. Per otru llau, el catalán ta nel puestu 12 y el gallegu nel 37, solo un puestu percima del vascu (38). Per debaxo del asturianu ta l’aragonés, nel 68.
El barómetru, que publica agora la so cuarta edición, nun tien solo en cuenta’l númberu de falantes y analiza 13 factores sociales para determinar el pesu d’un idioma, como pueden ser la so presencia educativa, en Wikipedia, na Universidá, n’Internet, na escritura o la so estatus llegal.
Anque l’asturianu puntúa 0 en cuestiones como la so presencia n’estudios universitarios o’l so estatus llegal, el númberu de falantes y el so usu n’Internet fai que meyora la so posición en comparanza con ediciones anteriores.
