Publicado en NATURA

Campoastur: “Producción ecolóxica y biodiversidá para la pumarada del Enguilu”

Entrevista a Jorge García, director de Producción Vexetal de Campoastur. VER NOTICIA

Campoastur apostó pola producción ecolóxica na so pumarada esperimental de mazana de sidra El Enguilu (Nava). Anque siempres se realizó cultivu integráu (usu mínimu y razonáu de fitosanitarios y abonos) la estratexa de la cooperativa yá contemplaba’l cambéu y n’ochobre inscribose nel COPAE para poder vender la so primer collecha n’ecolóxicu en 2020 tres los dos años de conversión solicitaos.

El plantíu ta destinada a la producción nos años de menor collecha pola vecería para nun ser competencia de los sos propios socios, 350 productores de mazana de sidra. La decisión tomóse tamién pola demanda del mercáu. La pumarada, que la so plantíu realizó ente 2014 y 2016, ta en terrén municipal n’arrendamientu por 20 años.

Cuenta con dos partes, la pumarada esperimental (6 hectárees) y lo que se conoz como’l Paséu de les 100 variedaes’ (1,2 hectárees), un ampliu escaparate con unes 130 variedaes de mazana de sidra, la xoya de la corona qu’amuesa’l potencial del cultivu de mazana de sidra n’Asturies. Cola nueva llínea d’ayudes a la Biodiversidá de la PAC, Campoastur instaló na so pumarada cases nial p’aves insectívores, según cases nial y posaderos pa rapazos, lo que va solliviar plagues y mures na finca.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *