Publicado en Revistes

La Trókola asoleya un nuevu númberu de la so revista «Trokoleando»

“Pescar en tiempos de guerra (1936-1937).
Puertos d’Avilés, Lluanco, Candás y Xixón”.
Depués del sostenimientu’l frente guerra, l’oxetivu más importante de los sucesivos gobiernos republicanos n’Asturies fue l’abastecimientu la población, sobre too no que se refier a l’alimentación.
Nesti sentíu, el seutor de la pesca yera, más que nunca, estratéxicu. Por ello, dende los primeros meses de guerra, el Gobiernu d’Asturies intervién el seutor pesqueru y la industria conservera, pa evitar l’acaparamientu y la especulación y garantizar l’abastecimientu suficiente y equitativu de pescáu a la población, independientemente de la so capacidá adquisitiva.
Naquelles circunstancies, dir a la mar apareyaba un peligru asemeyáu al del frente guerra. L’armada franquista bloqueaba los puertos, impedía’l tresporte marítimu y atacaba los barcos de pesca, remanando la fame como arma de guerra.
Pero los pescadores nun taben dispuestos a permitir que’l so pueblu pasare necesidades y, munchu menos, fame.
Los enfrentamientos tuvieron llugar demientres tol conflictu bélicu; les consecuencies fueron decenes de barcos pesqueros fundíos, desapaecíos o apresaos, y centenares de trabayadores de la pesca, igualmente desapaecíos o apresaos.
Nesti númberu de la revista Trokoleando ufiertámosvos dalgunes informaciones y datos sobre esti aspeutu de la guerra, non solo como investigación hestórica, sinón también como alcordanza y homenaxe a quien dieron la vida pa que’l so pueblu pudiere vivir un pocu meyor.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *