Publicado en Editoriales, Llibros Adultos, Novedaes, Sin categoría

Una editorial uvieina, pionera na fantasía n’asturianu

Nicolás Bardio inaugura con “Del llau del Nigromante” una saga escura y prepara un xuegu de rol sobro “1984”, d´Orwell

Radagast “el Pardo” yera unu de los cinco magos nomaos por J. R. R. Tolkien en “El Señor de los Aníos”. Radagast ye tamién el nome d’una moza editorial, con see n’Uviéu, que ta introduciendo a la lliteratura n’asturianu nun terrenal inexplorado: el de la fantasía. Nicolás Bardio ye’l impulsor del sellu, nel que publicó la so novela “Del llau del Nigromante”, xuna saga de fantasía escura que toma como referente la mitoloxía asturiana. FONTE NOTICIA: LNE


Ainhoa Corral Luna.Radagast Ed.

Bardio yá sabe lo que ye percorrer dos tales hasta agora ignoraes pa la llingua. En 2019 fízose col premiu “Asturies Nuevu”, na so modalidá de narrativa, con “La Colomina 36”, xuna ucronía na que, tres el trunfu de la Revolución d’Ochobre del 34, Asturies convertiose n’una de les repúbliques de la Unión Soviética. Aquella obra yera la punta de llanza de too un universu transmedia qu’incluyía tamién un xuegu de rol, tamién el primeru la llingua asturiana, tituláu “Depués d’Ochobre”, llanzáu tamién por Radagast Ediciones.

La editorial uvieina defínese como un sellu especializáu en ficción especulativa, cultivando los xéneros de la fantasía, la ciencia ficción y el terror, nes sos distintes variantes. Amás de les obres lliteraries, y como fixo nel casu de “Depués d’Ochobre”, el sellu uvieín pretende siguir trabayando nel ámbitu de los xuegos de rol, na so aguada clásica (de los de lápiz y papel). Pa él, el fechu de trabayar nestos xéneros, ya inclusive el faelo en llingua asturiana, nun supon un handicap pa llograr bones vientes. La so propia esperiencia responde por: “La Colomina 36” escosó la so primer edición n’apenes un mes, y “Depués d’Ochobre”, que tamién cunta con una versión n’español, foi tamién tou un ésitu ente los amantes del rol.

“Del llau del Nigromante”, esplica Bardio, ye un proyectu que lleva muncho tiempu na so cabeza. “La mitoloxía asturiana tien muncha fuerza, y nun tien sentíu escribir fantasía anglosaxona, a base d´orcos y elfos, con un material tan importante. Anque pa la novela tuvi que faer dellos cambeos, p’afaela a la hestoria”, avanza. El protagonista de la novela ye Égor Balzarec, “un magu nuberu que tien el poder de llanzar rayos y apoderar les nubes”.

Na so epopeya, Balzarec va atopar colos güercos, la güestia, los homones o los pataricos. Sicasí, l’autor aportuna en que “nun ye xuna novela de mitoloxía, sinón de fantasía”, y de fechu enmarca la hestoria dientro de la conocida como fantasía escura, “más cruda y con elementos bastante gore”. Cara al futuru, la idea de Bardio ye faer “siquier otros dos o trés llibros, a lo menos” sobre Égor Balzarec, anque considera qu’esti nuevu mundu da pa más.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *