Un llustru lleva’l festival Parees enllenando de murales les medianeres d’Uviéu. En total, trenta ilustraciones a les qu’esta selmana añedirán cuatro más. Estos díes, en plenu San Mateo y hasta el domingu, los sos autores dan rienda suelta a la so creatividá cola que rinden un homenaxe a la cultura asturiana.
- Fonte noticia: El Comercio
- Noticia: OdiseaCultural /
- Twitter: #pareesfest / WEB / Del 13 -19 setiembre / Facebook /
- 2021: Mural Sidros /
Per primer vegada na hestoria del festival, unu de los murales va tar dientro d’un edificiu. Trátase de la biblioteca de la Granxa, onde l’asturianu Foni Ardao afigura ‘Montesín’, el «famosu ya intemporal llibru para neños de María Xosefa Canellada», espliquen dende la organización.
Pela so parte, la estadounidense Emily Eldrige robla un mural dedicáu al Camín Primitivu na cai Favila.
L’italianu Lougo Comune realiza un homenaxe a Uviéu na cai Torrelavega; y finalmente, la catalana Alba Fabré da color a les mazcaraes d’iviernu nun edificiu na confluencia de les cais Joaquín Mariña y Ángel Cañedo. Imaxe.
Entamáu pola Fundación Municipal de Cultura d’Uviéu, Parees Fest va sumar estos nuevos murales a los más de 25 trabayos realizaos mientres los años anteriores, que camudaron el paisaxe del conceyu con obres d’artistes de reconocíu prestíu. D’esta forma, los murios (o parees, n’asturianu) van siguir narrando la hestoria de les sos ciudaes y construyendo la identidá simbólica de los sos habitantes.