Publicado en Asturies, Turismu

«Pasaporte Cultural» en Turismu Asturies

El Pasaporte Cultural ye una iniciativa puesta en marcha pola Sociedá Pública de Xestión y Promoción Turística y Cultural del Principáu d’Asturies y empobinada a toos aquellos viaxeros que s’atopen esfrutando d’una estancia nel Paraísu Natural.

Ye un pasaporte gratuitu que dexa llograr importantes descuentos nun variáu programa d’actividaes culturales y propuestes d’ociu para tiempu llibre, venceyaes a distintes disciplines: arte, diseñu, cine, eventos, talleres, teatru, música, arquitectura, museos, actividaes, lliteratura, festivales, a un preciu ventaxosu o n’unes condiciones diferenciadores.

Los descuentos preferentes a los titulares del pasaporte cultural van aplicase, según el casu y siempres suxetu a la disponibilidá de places ufiertaes en cada eventu, n’entraes a espectáculos, talleres y actividaes que se desenvuelvan en Llaboral Ciudá de La Cultura, Muséu del Xurásicu d’Asturies, Parque de la Prehistoria de Teberga, Centru d’Arte Rupestre de Tito Bustillo, Centru de Recepción ya Interpretación del Prerrománicu Asturianu y na Estación Iverniza Fontes d’Iviernu.

Ónde puedes consiguir el to Pasaporte

Nes Oficines d’Información Turística del Principáu d’Asturies d’Uviéu, Aeropuertu d’Asturies y Llaboral Ciudá de la Cultura.
Nos siguientes equipamientos culturales: Muséu del Xurásicu d’Asturies, Centru d’Arte Rupestre de Tito Bustillo, Parque de la Prehistoria de Teberga, Llaboral Ciudá de la Cultura, Centru de Recepción ya Interpretación del Prerrománicu Asturianu y na Estación Iverniza Fontes d’Iviernu.

Nos establecimientos collaboradores: delles oficines d’información turística, agospiamientos y otros establecimientos turísticos. Llistáu actualizáu disponible. Descargar

Cada pasaporte ye válidu para tola unidá familiar.

Qué ventayes tien el Pasaporte. Arte, diseñu, cine, eventos, teatru, música, museos, lliteratura, festivales, deporte… Afaya’l Paraísu Natural con esti Pasaporte col que vas llograr importantes descuentos y ventayes nos principales museos y equipamientos culturales, turísticos y deportivos de la rexón.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *