Publicado en Día de...

Día Mundial de la Población

Esti 2021, mientres unes partes del mundu remanecen de les fondures de la pandemia, otres atópense entá en plena batalla contra’l coronavirus, una y bones l’accesu a les vacunes sigue siendo para munchos llugares del mundu una realidá inalcanzable.

Tien de dase prioridá a la salú reproductiva y a los derechos de toes y toos por aciu l’accesu a información y a los servicios de cara a los cambeos demográficos y de fecundidá (ONU).

Esti día estableciose en 1989, dos años dempués de que la población mundial llegara a 5 mil millones de persones, col propósitu de centrar l’atención na importancia de considerar les temes referentes a la mesma, particularmente sobro’l desenvolvimientu y el mediu ambiente.

El tableru de la población mundial presenta datos sobro fertilidá, paridá de xéneru na escuela, información sobro salú sexual y reproductiva, y muncho más. Xuntos, estos datos destaquen la salú y los derechos de les persones en tol mundu, especialmente les muyeres y los mozos. Ver datos sobro España.

Per otra parte, nel mundu rexistren unos elevaos niveles d’urbanización y una aceleración de la migración. En 2007, per primer vegada, vivieron más persones en zones urbanes qu’en zones rurales, y en 2050 alredor del 66% de la población mundial va vivir en ciudaes.

Estes megatendencies tienen consecuencies de gran algame. Afecten al desenvolvimientu económicu, al empléu, a la distribución de la renta, a la probeza y a les protecciones sociales. Coles mesmes, repercuten nos esfuerzos por garantizar l’accesu universal a l’atención médica, la educación, la vivienda, el saneamientu, l’agua, los alimentos y l’enerxía.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *